Mainit man ang mata ng Bureau of Immigration sa mga tinaguriang Fil-shams sa Philippine Basketball Assocation (PBA), may ilan pa ring dayuhang may dugong Pilipino ang nais ibahagi ang kanilang husay at dalhin ang bandila ng Pilipinas sa pamamagitan ng paglalaro ng tennis.

Nakaagaw pansin sa mga Pilipino sa nakaraang Holcim-ITF Women’s Circuit Week I sina Anja-Vanessa Peter, isang Filipino German, at Edilyn Balanga, na galing ng Madrid, Spain. 

Hindi man pinalad na magwagi, lumahok ang dalawa sa naturang kumpetisyon para maranasang makipaglaro.

Pinoy Sports Top Stories Pekeng Fil-Ams sa PBA, goodbye! Desisyon ni Coach Pumaren inaabangan ng Green Archers Aquino napapansing humihina sa PBA war

Inamin ng dalawa na taga-Pangasinan ang kanilang mga magulang.  Nakabase ngayon si Peter sa Subic samantalang pinaplano pa lamang ni Balanga na manatili sa Pilipinas kasama ang kanyang mga kamag-anak.  Nasa Madrid ang mga magulang ni Balanga at may-ari ng isang restaurant doon.

Sinabi ni Philippine Tennis Association (PTA) President Buddy Andrada na malaki ang posibilid na makapagsuot ang dalawa ng RP uniform sa darating na Southeast Asian (SEA) Games kung patuloy silang magsasanay.

Dagdag pa niya, ito na rin ang pagkakataon ng Pilipinas na maipagmalaki sa mga kalaban na may mga talento rin ang bansa sa larangan ng tennis.