Marami ang nakapapansing humihina ang resistensiya sa laro ngayon ni Marlou Aquino kung kaya’t lalo siyang napupulaan dahil isa sa nangungulelat ngayon sa PBA Philippine Cup ang kanyang koponang Sta. Lucia Realtors.

Hindi maidadahilan ng Sta. Lucia center na namamayani sa PBA league ang mga Fil-American kaya hindi sila nabibigyan ng pagkakataong makagawa ng sariling diskarte.

Ngayong nagbabantang mapatalsik sa bansa ang 5 front liners ng liga na kinabibilangan ng mga Fil-Americans, ito na ang pagkakataon ni Aquino na ipakita ang sariling galing.

Pinoy Sports Top Stories Pekeng Fil-Ams sa PBA, goodbye! Desisyon ni Coach Pumaren inaabangan ng Green Archers Dalawang Fil-foreigner tennis players kinakitaan ng potensyal

Napatunayan naman niya ang kanyang pagbabalik-loob sa paglalaro nang makasagupa ng Realtors ang Coca-Cola Tigers, ang isa sa pinakamalakas na koponan sa liga ngayon.

Ipinapakita uli ngayon ni Aquino na kaya pa rin niyang makipagsabayan sa mga higante ng ibang koponan, gaya nina EJ Feihl ng Alaska, Andy Seigle ng Ginebra at Yancy De Ocampo ng Talk ‘N Text.

Kaya pa rin niyang gamitin ang lakas at ang maasahang fall-away jump na maikukumpara sa porma dati ni Philip Cesar.

Marami ang nakapupuna kung ano ang dinaramdam ni Aquino at hindi na muling nagningning ang kanyang lakas, hindi tulad ng dati na siya ang kinatatakutan sa shaded lane nang nasa Ginebra pa siya.

Itinuturing siyang pader na hindi magigiba nang rookie ito dahil walang kasintaas niya ang kayang makipagsabayan at tumakbo sa loob ng hardcourt sa loob ng mahigit 30 minutos.