Hindi maikakaila ng De La Salle University na
mahalaga si Coach Franz Pumaren kung bakit naging
kampeon ang koponan nitong 2004 University
Athletic Association of the Philippines (UAAP)
season.
Sa ngayon, nasa panig
ni Coach Pumaren ang pagdedesisyon kung
tatanggapin pa rin niya ang alok ng DLSU na
pamunuan ang Green Archers sa susunod na UAAP
season.
Ayon naman kay
Pumaren, wala siyang karapatang tumanggi kapag ang
presidente na mismo ng unibersidad ang
nakipag-usap sa kanya para tanggapin uli ang
posisyon.
Gayunman, idinahilan
din niyang kukuha ito ng masters degree kaya hindi
niya pa alam kung babalikan pa niya ang pagiging
coach.
Sambit ni Br. Armin,
wala nang maaari pang patunayan si Pumaren dahil
nabigyan niya ng limang korona sa loob ng pitong
taon ang koponan. Aminado rin itong
nakipag-usap siya mismo sa coach para lalo pang
himukin ito na pag-isipan ang nauna niyang
desisyon.
Sa ngayon,
pinapahawak muna ni Pumaren kay Gie Abanilla, long
time assistant coach ng La Salle, ang pamumuno sa
koponan habang sumasabak ang mga ito sa Philippine
Basketball League. Sakaling tuluyan nang tanggihan
ni Pumaren ang DLSU, pinag-iisipan ng isang grupo
ng La Salle alumni na ipalit si Gee Abanilla, ang
matagal nang assistant coach. Posible ring
ibigay ito kina PBL veteran Junel Baculi at dating
Green Archers na sina Dominic Uy at Mon Jose.
