Silangan Shimbun Hollywood Spills

Marami na ang naiinis sa couple na ito dahil sa patuloy nilang pag-deny na sila na nga. Imagine, ilang beses na nakitang natutulog na ang dalawang ito sa isang condo at kahit saan mo makita si babae ay palagi mong makikitang kabuntot si lalaki.

Ganoon pa man ay patuloy pa rin ang pagtanggi ng dalawang ito sa milagrong nagaganap sa kanilang dalawa.

Madali lang mahulaan kung sino ang mapagtagong couple na ito. Hosts sila ng isang noontime show. Mayabang si lalaki at maganda naman si babae. Kuhang-kuha n’yo na ito!

Sila na rin ba?

Parang super glue naman ang pagsasama ng dalawang guwapitong ito kaya hindi maipagkaila na ‘sila na nga.’ Kahit saan mo makita ang isa sa kanila ay hindi maaaring wala ang isa.

Kamakailan ay marami ang nagulantang nang makita silang dalawa na gumagawa diumano ng milagro sa loob ng isang dressing room. Namutla raw sa gulat ang dalawa nang may makatuklas sa kanilang ginagawa. Ganoon pa man ay nanatiling ‘friends’ lang daw sila.

Parehong produkto ng artista search ang dalawang ito kaya nga guwapo talaga sila. Miyembro rin sila ng isang noontime show. Madalas silang ‘pagkamalan,’ pero siyembre, aamin ba sila?